Tunataka kuendelea kulinda uhuru wetu wa mawazo na uhuru wa kujieleza, kwani uhuru huo ni haki yetu. Na uhuru hauna kikomo, wala hakuna wakati tunapoweza kusema uhuru tulionao unatosha. Hapana. Kila hatua inazaa matakwa mapya ya uhuru wa binadamu.

Thursday, November 14, 2013

SENGONDO WETU

Angalia pale...
Machozi yawatiririka
Makamasi yawachuruzika
Miili yawaka, yapoa:
Mara jasho lawakamuka
Mara mitima yaganda
Na vinywa kuwakauka.
Hayo nami yanikumba.

Hawakai, hawalali, hawatulii
Hawaoni, hawasikii, hawakubali
Dunia bila Sengondo:
Katika familia
Katika madarasa
Katika mahakama
Katika urafiki na maongezi?
Walomjua Sengondo
Kwa mapishi darasani,
Mijadalani na nyumbani -
Sikiliza
Soma
Pekua
Sengondo alijiandaa kutokufa.
Panga limezika mwili tu;
Na tutalia kumkosa
Bali alotenda yatadumu.

ndimara.

No comments: